பலாபழம் அல்வா

தேவையான பொருட்கள் :

1. பலாபழம் – 25
2. நெய் – 100 கிராம்
3. முந்திரி - 10
4. ஏலக்காய் - 6
5. திராட்சை - 10
6. சர்க்கரை (அ) வெல்லம் – 250 கிராம்
7. அரிசி மாவு (பச்சை அரிசி) – ¼ கப்
8. சோள மாவு – 2 டீஸ்பூன்
9. பால் – ¼ லிட்டர்
10. உப்பு - தேவைக்கேற்ப

செய்முறை :

• பலாபழத்தை இட்டிலியை வேக வைப்பது போல வேக வைத்து பிசைந்து வைத்துக் கொள்ளவும்.
• அரிசி மாவு, சோள மாவு தனித்தனியாக வாணலியில் போட்டு வறுத்துக் கொள்ளவும்.
• ஒரு கிண்ணத்தில் இரண்டு மேஜை கரண்டி சோள மாவு கால் கப் அரிசி மாவு மற்றும் இதனுடன் பால் சேர்த்து கலந்து தனியாக வைத்துக்கொள்ளவும்.
• ஒரு வாணலியில் நெய் விட்டு முந்திரி, திராட்சை சேர்த்து வறுத்து எடுத்துக் கொள்ளவும்.
• ஒரு வாணலியில் நெய்விட்டு கலந்து வைத்துள்ள பால் கலவை சேர்த்து நன்றாக 15 நிமிடம் பொறுமையாகக் கிளறவும். பிறகு கொஞ்சம் நெய் சேர்த்து பிசைந்து வைத்துள்ள பலா சுளையை சேர்த்து மீண்டும் ஒரு 5 நிமிடம் கிளறவும்.
• பிறகு தேவையான சர்க்கரை அல்லது வெல்லம் சேர்த்து 10 நிமிடம் கிளறவும். பிறகு ஏலத்தூள் ஒரு சிட்டிகை உப்பு சேர்த்து கிளறவும். பிறகு வறுத்து எடுத்து வைத்துள்ள முந்திரி, திராட்சை போட்டு பரிமாறவும்.