லென்ட்டில் - லீக்ஸ் சூப் | Lendl - Leagues soup

தேவையான பொருட்கள் : 

1. பயத்தம்பருப்பு - 1 கப்,
2. எலுமிச்சைச்சாறு - 2 டீஸ்பூன்,
3. உப்பு - தேவையான அளவு,
4. பொடியாக நறுக்கிய கொத்தமல்லி - 1 கப் (அரைத்தது),
5. பொடியாக நறுக்கிய லீக்ஸ் - 1 கப்,
6. காய்கறி வெந்த தண்ணீர் - 1 கப்,
7. தேங்காய்ப்பால் - 1/2 கப்,
8. மைதா - 1/2 கப், வெண்ணெய் - சிறிது.

செய்முறை :

• வெண்ணெயை உருக்கி அதில் மைதாவைச் சேர்த்து வறுக்கவும். 
• அதன் மேல் லீக்ஸ், அரைத்த கொத்தமல்லி விழுது போடவும். 
• பின் காய்கறி வெந்த தண்ணீர், உப்பு, மிளகுத் தூள், எலுமிச்சைச்சாறு சேர்க்கவும். 
• இதற்குள் பயத்தம்பருப்பை வெறும் கடாயில் வறுத்துப் பின் ஃப்ரெஷர் குக்கரில் தண்ணீர் போட்டு வேக வைக்கவும். 
• வெந்த பருப்பையும் சேர்த்துக் கொதிக்க விட்டு, எல்லாம் சேர்ந்த பிறகு, கீழே இறக்கி வைத்துச் சுடச்சுடப் பரிமாறவும்.