பட்டாணி சூப் | Pea Soup

தேவையான பொருட்கள் :

1. காய்ந்த பட்டாணி - 1 கப்,
2. கேரட் - 1,
3. வெங்காயம் - 1,
4. பிரிஞ்சி இலை - 1/2,
5. கிராம்பு - 1,
6. உப்பு - தேவையான அளவு,
7. மிளகுத் தூள் - 1/4 டீஸ்பூன்,
8. வெண்ணெய் - 1 டீஸ்பூன்,
9. எண்ணெய் - 1 டீஸ்பூன்.

செய்முறை :

• காய்ந்த பட்டாணியை முதல் நாள் இரவே ஊற வைக்கவும். 
• மறுநாள் ப்ரஷர் குக்கரில் 3 விசில் விட்டு வேக வைக்கவும். 
• கடாயில் எண்ணெய், வெண்ணெய் சேர்த்து பிரிஞ்சி இலை, கிராம்பு சேர்த்து வதக்கவும். 
• இதில் பொடியாக அரிந்த வெங்காயம், கேரட் சேர்த்து வதக்கவும். 
• மிக்ஸியில் வேக வைத்த பட்டாணி, வதக்கிய கேரட், வெங்காயம் சேர்த்து நன்கு அரைக்கவும். 
• தேவைப்பட்டால் தண்ணீர் சேர்க்கலாம். 
• இக்கலவையை வடிகட்டி ஒரு கடாயில் போடவும். 
• உப்பு, மிளகுத்தூள் சேர்த்து 5 நிமிடம் கொதிக்க விடவும். 
• பரிமாறும் முன் சிறிது வெண்ணெய் சேர்த்து சூடாக சாப்பிடவும்.